ANAK

 

ANAK: KANTANG INILIKHA NI FREDDIE AGUILAR

    Para sa akin, ang kantang "Anak" ni Freddie Aguilar ay naglalarawan ng kuwento ng isang anak na mas pinipiling sundin ang kaniyang mga desisyon kaysa sa pakinggan ang mga payo ng kaniyang mga magulang na para rin sa ikabubuti niya o para rin sa kaniyang kinabukasan, at siya rin ay mayroong mga masasamang bisyo. Kaya't sa huli ay pinagsisihan ng anak ang mga nagawang mali at hindi pakikinig sa payo ng mga magulang kaya rin ito ay tumungo sa maling landas. Makikita rin sa liriko ng kanta na kung gaano rin kamahal at pinagsakripisyuhan ng magulang ang kanilang anak. Sa ibang dako, habang tumatanda ang anak unti-unting nagbago ang ugali na kung saan siya ay sumusuway sa mga payo ng kaniyang magulang at naging matigas ang ulo. 

    Sa kabilang banda, makikita rin na hinaharap ng anak ang kaniyang mga maling pasya at kaniyang mga hamon sa buhay. Dito natin makikita na hindi sa lahat ng oras ay laging akma ang pasya ng anak kaysa sa mga payo na ibinibigay ng kaniyang magulang sa kaniya, at pagdurusa na kaniyang nararamdaman dahil sa paglayo sa kaniyang pamilya. Nagpakita rin ng realisasyon ang anak na ang tunay na kaligayahan ay matatagpuan at magmumula lagi sa kaniyang magulang at sa mga taong nagmamahal sa kaniya. 

    Sa dakong huli, makikita na muling bumalik ang anak sa kaniyang pinaka mamahal na magulang. At saka, ang pagbabago ng kaniyang sarili para sa ikabubuti. Higit pa rito, maririnig at makikita rin sa liriko ng kanta na ang anak ay bumalik sa kaniyang magulang habang siya ay lumuluha rahil pinagsisihan niya ang mga mali gawain na nagawa niya sa kaniyang magulang. Muli ring humingi ng tawad ang anak sa mga kasalanang nagawa niya, nagpasalamat sa walang sawang pagmamahal at suporta ng kaniyang magulang. Sa dulong bahagi, makikita rin natin na walang hanggan ang pagmamahal ng magulang sa kanilang anak.