TALAMBUHAY NA PAIBA

 

Ang Kuwento ni Maxine

    Maxine Rowie C. Galeon, isinilang noong Hulyo 26, 2008, sa siyudad ng Pasay. Siya ay isinilang ng kaniyang Ina na si Maria Dolores C. Cutamora sa kalagitnaan ng bagyo ngunit naipanganak siya nang ligtas at malusog. Kalaunan, walang kamalay-malay ang Ina ng kaniyang Tatay na si Rommel B. Galeon na mayroong anak na pala ang kaniyang nag-iisang lalaking anak. Dagdag pa rito, noong siya ay bata pa lamang, sila ng pamilya niya ay palipat-lipat ng tirahan. Hanggang sa pinatira na sila ng Ina ng kaniyang Tatay sa bahay nila roon sa siyudad ng Pasig. 

    Sa kabilang dako, si Maxine Rowie C. Galeon ay nakapagtapos ng elementarya sa pribadong paaralan na pinangalanang Morning Sun Academy. Noong siya ay na sa elementarya, noong siya ay nasa baitang 1, siya ay nakaranas ng pambubulas sa kadahilanang siya ay maraming ambisyon sa buhay. Ngunit, hindi iyon naging rason sa kaniya para sumuko na lamang at mawalan ng pag-asa. Ang pangyayaring iyon ay mas nabigyan siya ng lakas at motibasyon para tahakin ang kaniyang mga pangarap. Dagdag pa rito, noon palang ay kinahihiligan niya ng sumayaw kaya't siya ay sumali sa isang Dance Workshop upang mas mapahubog ang kaniyang talento sa pagsasayaw.

    Sa kabila ng lahat, sa buong buhay ng kaniyang elementarya, siya rin ay nakaramdam ng pagkaiwan sa kadahilanang siya ay inaayawan ng kaniyang mga kaklase na hindi man lang niya alam ang rason. Subalit mayroon pa rin siyang naging tunay na kaibigan na pinangalanang Jethro, at Jj. Kasama rin dito, sila rin ay palaging nandyan para sa kaniya mayroong problema man o wala, at sila ay kaibigan niya pa rin hanggang sila ay nasa "Senior High school" na. At saka, silang dalawa ay isa rin sa inspirasyon at motibasyon niya tungo sa kaniyang kinabukasan.